電視劇《溏心風暴》個個熱煲，大契差不多每集都有金句：「耳聽三分假，眼看未為真」、「呢度唔係法庭，唔需要証據」字字珠璣，不過最令人深刻莫過於「係人係鬼，我一眼睇得出」。

　　 但在筆者心中，近期最勁金句可以話是捲入中大學生報情色版事件，總編輯曾昭偉一句：「我地無錯﹗」。面對住過百傳媒追訪、社會輿論壓力，大學一年級生居然有勇氣大大聲講一句我無做錯，的確令這場道德與出版自由爭持事件加添一份戲劇感，好睇過無記年中不少電視劇。

　　 究竟有無錯，對我這個不關心編採自由被扼殺、不關心大學生素質上落的小巿民已經變為第二著眼點，我最留意情節發展：究竟中大校方會否革除曾昭偉學籍？七大學系聯署會否變成八大學校齊挺？歷代總編輯會否結集力量齊齊聲援現屆莊員？而最後曾昭偉會否淚灑法庭，作為這套劇的完結碼子？

　　大家可能非常留意總編輯曾昭偉，但由細睇無記電視劇睇到大的我，就要提醒一眾追劇師奶：最值得看的是中大校方反應﹗睇《溏》都係睇大契李司棋之嘛，無大卡士又點算得上大製作呢？

　　 由事件被傳媒揭發，開始早期中大一直沒有作出回應；到早前突然趕在淫褻物品審裁處對情色版作出評級前，將事件提交學生紀律委員會審理，之後向學生發警告信，態度之強硬被一眾校友出言批評；近期態度又轉為比較軟化，表示會安排律師協助同學面對當前法律處境，又會提供輔導。中大扭呔扭到出神入化，的確好睇過細契關菊英變臉。

　　不過中大不是大契，不可用地位決定一切；中大更加不是細契，不可變臉變得太過份。中大是《金枝慾孽》鄧萃雯如妃：有身分、有地位、不能撒野出橫手平亂局，但最後要安定大家粉飾太平。

　　 傳媒大眾個個都睇住中大反應，呢場戲要做得好，分分鐘仲難過鄧萃雯拎最佳女主角，你估依家分幾隻鮑魚咁簡單咩？

讀者　秋士